2022 жылдың 23 желтоқсан күні сағат 15.00-де «Атамекен» өнер ордасының кулуарында Облыстық мәдениет тілдерді дамыту, архив ісі басқармасының қолдауымен, Ғ.Құрманғалиев атындағы облыстық филармония, облыстық халық шығармашылығы орталығының ұйымдастыруымен «Мәдениет үздігі – 2022» мәдениет және өнер саласы үздіктерін марапаттау салтанатты кеші өтті.

2022 жылдың 25 желтоқсан күні сағ 10.00-да Батыс Қазақстан облысы әкімшілігі, Батыс Қазақстан облысының облыстық білім басқармасы мен мәдениет, тілдерді дамыту және архив ісі басқармасының  қолдауымен, облыстық халық шығармашылығы орталығының ұйымдастыруымен Салтанат сарайында Қазақстан Республикасы Президентінің «Қош келдің, Жаңа жыл – жаңа белес, жаңа арман!» жаңа жыл шыршасы өтті.

Бұл балалардың асыға күткен іс-шараларының бірі. Жаңа жылдық шыршада олардың отанға деген сүйіспеншілігін, ана тілін, тарихын өнерін құрметтеуге, қоғам жаңалықтары мен өзгерістерінен тыс қалмауға баулу, шығармашылық және креативті қабілеттерін ашу мақсатында түрлі қойылымдар оздырылды.

Жас өскіннің жайқала да жайнап өсуі оның жан-жағына және оған жасалған жағдайға байланысты. Өскелең ұрпақтың келешек өмірі үлкен буынның тәлім-тәрбиесі, білімі, нұсқаған бағыт-бағдарымен өлшенсе керек. Бүгінде әр балдырғанның қыран болып қалықтауы жолында жұмыс істеу – ортақ борышымыз.

Мемлекет басшысы Қасым-Жомарт Кемелұлы Тоқаев 2022 жылды «Балалар жылы» деп жариялағаны баршаға белгілі. Ол: «Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз», - деп, барлық сала алдына балалардың дамуы үшін жасалуы тиіс бірнеше міндет қойды. Осыған орай, мәдениет саласы, оның ішінде Батыс Қазақстан облыстық халық шығармашылығы орталығы жыл басынан бері балалар өнерін өркендетуге мол мүмкіндік сыйлап, көңіл бөліп келеді. Мен өңірдегі бәсі биік, өзіндік қолтаңбасы бар осы мәдениет орталығының жас маманымын. Қызмет қылғаныма көп болмаса да, көлдей жұмыстың куәсі болып жүрмін. Бұл жердегі тәжірибелі мамандармен иық тіресе жүріп, мықты болмау мүмкін емес. Күнделікті қызу тіршілік: жүйелі жоспар, жоғары жауапкершілік, кездесетін кәсіби қиындықтар мен оны шешудің ұтымды жолын іздеу, биік деңгейді сақтауы тиіс бірнеше іс-шара мендей жас буынды дамытуда және ширатуда. Сөйтіп, шабыт беруде.

Батыс Қазақстан облысы әкімдігі, облыстық мәдениет, тілдерді дамыту және архив ісі басқармасының қолдауымен, облыстық халық шығармашылығы орталығының ұйымдастыруымен ҚР Халық артисі, Мемлекеттік сыйлықтың иегері, әнші-композитор Ескендір Хасанғалиев әндерін орындаушылардың ХІІ Халықаралық «Атамекен» ән фестивалі 2022 жылдың 4-6 қазан күндері «Атамекен» өнер ордасында өтті.

Алғашқы күні «Атамекен» өнер ордасының кулуарында «Жеребе тарту » және фестивальдің салтанатты ашылуы «Есіңе ал» еске алу концертіне ұласса, 5 қазанда байқаудың I , II кезеңі өтті. Бұдан соң байқау үміткерлері Қадыр Мырза Әли атындағы мәдениет және өнер орталығының әдеби-мемориалдық кабинетін тамашалап, орталықпен танысты.

 Жас өскіннің жайқала да жайнап өсуі оның жан-жағына және оған жасалған жағдайға байланысты. Сол секілді, өскелең ұрпақтың келешек өмірі үлкен буынның тәлім-тәрбиесімен, білімімен, нұсқаған бағыт-бағдарымен өлшенсе керек. Бүгінде балапан сынды әр балдырғанның қыран болып қалықтауы жолында жұмыс істеу – ортақ борышымыз.

Құдай өзі Құрамысқа би берген,

Би өнерін туа сала үйренген.

Осы өнердің бағындырған биігін,

Ғашық болып жан-тәнімен сүйгеннен...

Құрамыс Берғалиұлы Ғаббасов биыл тірі болғанда 85 жасқа толар еді.

Батыс Қазақстан облысының мәдениет басқармасының қолдаумен, облыстық халық шығармашылығы орталығының ұйымдастыруымен Жазушылар Одағының мүшесі, ақын Асантемір Қаршығаұлының "ДАЛА-кеуде" шығармашылығы өтті. Кешке арнайы келген қазақтың классик ақыны Тыныштықбек Әбдікәкімов және оның жары филология ғылымдарының кандидаты Шағангүл Жанаева жазушы Қуандық Түменбай қатысты. Шара барысында облыс әкімінің орынбасары Бақытжан Нарымбетов сөз алып, ақынға сәттілік тіледі. Шығармашылық кеште ақынның "ШІДЕРЛІ ШЕР" жыр жинағының тұсауы кесілді. Ақынға ағалары ақжарма тілек арнап, Қазақстан Жазушылар Одағы БҚО Жазушылар Одағының Орал Филиалы басшысы Бауыржан Ергенұлы ертоқым тарту етті.

Бүгін «Атамекен» өнер ордасында Мәдениет және өнер қызметкерлері күніне орай облыстық мәдениет басқармасының қолдауымен, облыстық халық шығармашылығы орталығының ұйымдастыруымен «Мәдениет – өмір толқыны» салтанатты мерекелік шарасы өтті.

ҚР Президенті Қ.Тоқаев жариялаған «Балалар жылы»  аясында дарынды балаларды анықтау және дамыту мақсатында 19-20 сәуір күндері облыстық «Балдәурен» балалар шығармашылығы фестивалі 5 аталым бойынша оздырылды: эстрадалық вокал, хореография, халықтық музыка (домбыра), домбырамен ән салу, жыр айту, поэзия.

Облыстық халық шығармашылығы орталығының қолдауымен «Атамекен» өнер орталығында «Сүмбіле» шығармашылық бірлестігінің таныстырылымы өтті. Олар Орал шаһарында 2021 жылдың 8 желтоқсанында құрылды. Бірлестік құрамында 8 қыз бар: М.Өтемісов атындағы Батыс Қазақстан университетінің студенттері: Айна Даутова, Ақжүніс Насиева, Нұршат Тұрсынхан, Әл-Фараби атындағы ҚазҰУ студенті Айназ Есекеш, Ақгүлім Ерболова, Кәмила Аманова, Ә.Молдағұлова атындағы №38 мектеп-лицейінің оқушысы Ақжібек Сағынбай, С.Сейфуллин атындағы облыстық мамандандырылған мектеп-интернатының 11 сынып оқушысы Нұрдана Темір. Кеш барысында Қ.Мырза Әли, А.Бақтыгереева, Т.Молдағалиев, Ф.Оңғарсынова, М.Мақатаев, О.Сүлейменов, Ұ.Есдәулет, Е.Раушанов, А.Елгезек, Б.Қарағызұлы, А.Тәбаракқа қоса, С.Есенин, А.Датешидзенің (аударған Шынар Әбділда) туындыларын оқыды.

Қазақ Ұлттық Өнер университетінің профессоры, Қазақстан Республикасының еңбек сіңірген қайраткері, күйші-ұстаз Орынбай Дүйсеннің «Күй - ғұмыр» шығармашылық кеші